२०२३ को पछिल्लो तीन महिनामा ८.४ प्रतिशतको आर्थिक वृद्धिदर
एजेन्सी : २०२३ को अन्तिम तीन महिनामा ८.४ प्रतिशतको आर्थिक वृद्धिदर कायम गर्दै भारतले तीव्र गतिमा बढ्दो अर्थव्यवस्थाको उपाधि रक्षा गरेको छ।
देशमा आम निर्वाचन हुन लागेको बेलामा यस्तो तथ्याङ्क सार्वजनिक भएको हो। योसँगै आगामी केही वर्षभित्र भारतले जापान र जर्मनीलाई उछिनेर विश्वको तेस्रो ठूलो अर्थव्यवस्था बन्ने अनुमान गरिएको छ।
प्रधानमन्त्री नरेन्द्र मोदीले सामाजिक सञ्जाल एक्समा एक पोस्ट गर्दै यो तथ्याङ्कले भारतीय अर्थव्यवस्थाको बल र यसको सम्भावनालाई देखाउने बताए।
२०२३ को पछिल्लो तीन महिनामा ११.६ प्रतिशतले देशका उत्पादनहरू विस्तार भएको देखाउँछ।
देशको कुल गार्हस्थ्य उत्पादन (जीडीपी)को झण्डै दुई तिहाइ हिस्सा ओगटेको निजी उपभोगले ३.५ प्रतिशतले बढेको छ।
गत वर्ष प्याजजस्ता मुख्य खाद्यान्नको महँगो हुँदा जनताको खर्च शक्ति प्रभावित भएको थियो। जसको समाधानका लागि सरकारले खाद्यान्न मूल्य मुद्रास्फीति नियन्त्रण गर्नका लागि विभिन्न उपायहरू ल्याएको थियो।
हालैका वर्षहरूमा, प्रधानमन्त्री मोदीले पूर्वाधारमा सरकारी खर्च बढाएका छन् र भारतलाई अन्तर्राष्ट्रिय बजारमा प्रतिस्पर्धा गर्न मद्दत गर्न फोन, इलेक्ट्रोनिक्स, ड्रोन र सेमीकन्डक्टरहरूको उत्पादनलाई बढावा दिन प्रोत्साहनहरू प्रस्ताव गरेका छन्।
बिहीबार, सरकारले भारतीय समूह टाटा लगायतका फर्महरूद्वारा १.२६ ट्रिलियन रुपैयाँको तीन सेमीकन्डक्टर प्लान्टहरू निर्माण गर्न अनुमति दिएको थियो।
तर, देशको अर्थतन्त्रको १५ प्रतिशत हिस्सा ओगटेको कृषि क्षेत्र भने कमजोर हुँदै गएको छ। कतिपय किसानले बालीको न्यूनतम मूल्यको माग गर्दै आन्दोलन गरिरहेका छन्।
अन्तर्राष्ट्रिय मुद्रा कोष (आईएमएफ)ले भारतको अर्थतन्त्र २०२४ मा ६.५ प्रतिशतले विस्तार हुने अपेक्षा गर्दा चीनले ४.६ प्रतिशतले बढ्ने अपेक्षाा गरेको छ।
फागुन १८, २०८० शुक्रबार १०:३०:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
