शर्मिला वाइबालाई ४ दिन हिरासतमा राखेर अनुसन्धान गर्न अनुमति
काठमाडौं : काठमाडौं जिल्ला अदालतले शर्मिला वाइबालाई ४ दिन हिरासतमा राखी अनुसन्धान गर्न अनुमति दिएको छ।
हास्य कलाकार पवन खतिवडा 'म्याकुरी'माथि कुटपिट गरेको आरोपमा पक्राउ परेकी वाइबालाई अदालतले बिहीबार हिरासतमा राख्न अनुमति दिएको प्रहरीले जनाएको छ।
यो पनि : भाइरलको लोभमा पटक-पटक हिरासत
बुधबार सिन्धुपाल्चोकको बाह्रबिसेबाट पक्राउ परेकी शर्मिलालाई काठमाडौं ल्याइएको थियो। उनलाई अहिले महाराजगञ्ज परिसरमा राखिएको छ।
पवन र उनकी श्रीमतीबीचको विवादमा शर्मिलाले पवनकी श्रीमतीलाई उचालेर कुटपिट गरेको शर्मिलामाथि आरोप लागेको छ।
फागुन १७, २०८० बिहीबार १७:१४:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।