लेभिटको विस्फोटक शतकमा नामिबियालाई नेदरल्यान्सले दियो २४८ रनको लक्ष्य
काठमाडौं : काठमाडौंमा जारी टी२० अन्तर्राष्ट्रिय सिरिज अन्तर्गत नेदरल्यान्स्तले नामिबियालाई २४८ रनको लक्ष्य दिएको छ।
त्रिवि क्रिकेट मैदानमा टस जितेर पहिला ब्याटिङमा तानिएको खेलमा नेदरल्यान्ड्सले निर्धारित २० ओभरमा पाँच विकेट गुमाएर २४७ रन बनायो।
उसका लागि माइकल लेभिटले शतकीय पारी खेले। ६२ बलको सामना गरेका उनले ११ चौका र १० छक्काको मद्दतमा १३५ रन जोडे।
साइब्रान्ड इन्जलब्रेन्च्टले ४० बलमा सात चौका र पाँच छक्काको मद्दतमा ७५ रन बनाउँदा तेजा निरमानुरुले १८ र म्याक्स ओडाउडले पाँच रन जोडे।
वीसली बरेसी र आर्यन दत्त क्रमश: ५ र १ रनमा अविजित रहे।
नामिबियाका रुबिन ट्रम्पलम्यानले दुई तथा बेन सिकोङ्गो र जन फ्राइलिंकले समान एक-एक विकेट लिए।
नामिबियाले केहीबेरमा जवाफी ब्याटिङ गर्नेछ।
फागुन १७, २०८० बिहीबार १३:१९:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
