प्रिमियर लिगमा वेस्ट ह्यामले ब्रेन्ट्फोर्डलाई हरायो, जर्रोडको ह्याट्रिक
काठमाडौं : प्रिमियर लिगमा वेस्ट ह्यामले ब्रेन्टफोर्डलाई पराजित गरेको छ।
मंगलबार राति लण्डन स्टेडियममा भएको खेलमा ४-२ गोल अन्तरले पराजित गरेको हो।
वेस्ट ह्यामका लागि जर्रोड बोइनले ह्याट्रिक गर्दा इमर्शन पलमेरीले एक गोल थपे।
ब्रेन्टफोर्डका लागि नियल मौपे र योयान विस्साले सान्त्वना गोल फर्काए।
वेस्ट ह्यामका लागि खेलको पाँचौं र सातौं मिनेटमा जर्रोडले गोल गर्दै टिमलाई सुरुवाती अग्रता दिलाए।
खेलको तेह्रौं मिनेटमा ब्रेन्ट्फोर्डका नियलले गोल गर्दै खेललाई २-१ को स्थितिमा ल्याए।
त्यसपछि खेलको ६३औं मिनेटमा जेर्रोडले ह्याट्रिका बनाउँदा टिमलाई ३-१ को स्थितिमिा पुर्याए।
त्यसपछि पनि वेस्ट ह्यामकै इमरशनले ६९औं मिनेटमा गोल गरेका थिए।
ब्रेन्ट्फोर्डका विस्साले ८२औं मिनेटमा सान्त्वना गोल फर्काउँदै टिमलाई ४-२ को स्थितिमा पुर्याए पनि जितका लागि पर्याप्त हुन सकेन।
जितसँगै वेस्ट ह्याम ३९ अंकसहित तालिकाको आठौं स्थानमा छ भने पराजित ब्रेन्ट्फोर्ड २५ अंकसहित सोह्रौं स्थानमा छ।
फागुन १६, २०८० बुधबार ०८:२५:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
