वाफ महिला च्याम्पियनसिपको सेमिफाइनलमा नेपाल र लेबनान भिड्दै
काठमाडौं : साउदी अरेबियामा जारी वाफ महिला च्याम्पियनसिपमाको सेमिफाइनलमा आज नेपालले लेबनानसँग खेल्दैछ।
खेल नेपाली समयअनुसार राति पौने ११ बजे किङ अब्दुल्लाह स्पोर्टस सिटी रिजर्भ स्टेडियममा हुनेछ।
समूह ‘बी’को विजेता नेपाल र समूह ‘ए’को उपविजेता लेबनानबीच फाइनल प्रवेशका प्रतिस्पर्धा हुन लागेको हो।
पहिलो खेलमा सिरियालाई ४-१ गोलले हराएको नेपालले दोस्रो खेलमा इराकलाई ५-० ले पाखा लगाएको थियो। तेस्रो तथा अन्तिम खेलमा प्यालेस्टाइनलाई ४-० गोलले पराजित गरेको थियो।
आजै हुने अर्को खेलमा प्यालेस्टाइन र जोर्डन आमनेसामने हुनेछन्। आजका विजेता टोलीले बिहीबार उपाधिका लागि भिड्नेछन्।
१५ फागुन, २०८०, ०८:२४:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
