रुसको जासुसी विमान खसालेको युक्रेनको दाबी

एजेन्सी : युक्रेनले रुसको ए-५० जासुसी विमान खसालेको दाबी गरेको छ। एक महिनाभित्रमा यो दोस्रो यस्तो दाबी हो।

युक्रेनी सैन्य स्रोतहरूले विमान रोस्तोभ-अन-डोन र रसियाको क्रास्नोडार क्षेत्रको बीचमा खसालेको दाबी गरेका छन्। यो युद्ध मोर्चाबाट करिब दुई सय किलोमिटर टाढा छ।

रिपोर्टहरूका अनुसार आपतकालीन सेवाहरूले रुसको कानेभस्कोए जिल्लामा विमानको भग्नावशेष फेला पारेको छ। युक्रेनको यी दावीमा रुसले अहिलेसम्म कुनै प्रतिक्रिया दिएको छैन।

शनिबार युक्रेनमा रुसले आक्रमण गरेको दुई वर्ष पूरा भएको छ। युक्रेनी वायुसेना प्रमुख माइकोला ओलेस्चुकले विमान खसालेकोमा सैन्य गुप्तचर र वायुसेनालाई धन्यवाद दिए।

यो रुसको लामो दूरीको उडान रडार पत्ता लगाउने टोही विमान थियो। अनलाइनमा भिडियो शेयर गरिएको छ जसमा विमान हावामा खसालिएको देखिन्छ।

यसअघि युक्रेनले जनवरी १४ मा ए-५० विमान खसालेको दाबी गरेको थियो। बेलायतको रक्षा मन्त्रालयले आफ्नो पछिल्लो मूल्याङ्कनमा रुससँग ६ वटा ए-५० विमान सेवामा हुन सक्ने बताएको थियो। ए-५० करोडौं डलर पर्ने उन्नत टोही विमानहरू हुन्।

हालैका महिनाहरूमा रसिया-युक्रेन युद्धमा, युक्रेनले रूस विरुद्ध कुनै पनि ठूलो सफलता हासिल गर्न संघर्ष गरिरहेको छ। यसले देशको दक्षिण-पूर्वी मोर्चामा पनि धेरै प्रहारहरू भोगेको छ।

फागुन १२, २०८० शनिबार ०९:०६:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।