विश्वकप क्रिकेट लिग-२ मा आज नेदरल्यान्ड्स र नामिबिया भिड्दै
काठमाडौं : आईसीसी विश्वकप क्रिकेट लिग-२ अन्तर्गत आज नेदरल्यान्ड्स र नामिबिया भिड्दैछन्।
खेल विहान साढे ९ बजे कीर्तिपुरस्थित त्रिवि क्रिकेट मैदानमा सुरु हुनेछ।
सिरिजमा तीन खेल खेलेको नामिबिया दुई खेलमा जितसहित तालिकको शीर्ष स्थानमा रहँदा नेपाल दोस्रो स्थानमा र नेदरल्याड्स तेस्रो स्थानमा छ।
नामिबियाले नेपालसँगको दुवै खेल जितेको थियो भने नेदरल्यान्ड्ससँगको खेल हारेको थियो। उता नेपालले भने नेदरल्यान्ड्सलाई पराजित गरेको थियो।
अहिलेसम्म नेदरल्यान्ड्स र नामिबिया दुई पटक आमनेसामने हुँदा दुवैपटक नामिबिया पराजित भएको छ।
यी दुई टोलीबीचको खेलका लागि भनेर नेपाल क्रिकेट संघ(क्यान)ले टिकट मूल्यसमेत घटाएको छ।
आइएमई पे मार्फत टिकट काट्दा पचास रुपैयाँ र मैदानमै गएर टिकट काट्दा १ सय रुपैयाँ तिर्नुपर्ने क्यानले आफ्नो फेसबुक पेजमार्फत जनाएको हो।
फागुन ११, २०८० शुक्रबार ०७:१४:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
