नेपाल ‘ए’ र क्याडान ‘११’ बीच तेस्रो एकदिवसीय खेल हुँदै
काठमाडौं : तीन खेलको एकदिवसीय सिरिज अन्तर्गत नेपाल ‘ए’ र क्यानडा ‘११’ बीच आज तेस्रो तथा अन्तिम खेल हुँदैछ।
खेल विहान साढे ९ बजे माथिल्लो मुलपानी क्रिकेट मैदानमा हुनेछ।
पहिलो खेलमा नेपाल ‘ए’ क्याडान ‘११’सँग चार विकेटले पराजित हुँदा दोस्रो खेलमा नेपाल ‘ए’ दुई विकेटले विजयी भएको थियो।
१–१ को अवस्थामा रहेको सिरिजमा आजको खेलको विजेताले नै सिरिज उचाल्नेछ। आजको खेलपछि क्यानडाको टोली युएईमा आफ्नो लिग २ का खेलहरू खेल्न जानेछ।
यसअघि नेपालको राष्ट्रिय टोलीसँग भएको तीन खेलको एकदिवसीय अन्तर्राष्ट्रिय सिरिज नेपालले ३–० ले क्लिन स्वीप गरेको थियो।
फागुन १०, २०८० बिहीबार ०७:२५:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
