अमेरिकी एडल्ट फिल्म स्टार काग्नीले गरिन् आत्महत्या

एजेन्सी : अमेरिकी एडल्ट फिल्म स्टार काग्नी लिन कार्टरले ३६ वर्षको उमेरमा आत्महत्या गरेकी छिन्। उनी केही समयदेखि मानसिक स्वास्थ्यको समस्यामा जुधिरहेकी थिइन्। प्रहरीका अनुसार मेडिकल टिमले उनको शव पर्मा शहरको एक घरमा भेट्टाएको थियो।

शवको अवस्था हेरेपछि प्रहरीले काग्नीले आत्महत्या गरेको हुनसक्ने आँकलन गरेको छ। गोफण्डमी पेजनले काग्नीलाई उनको सुन्दरता, नृत्य र गीतका लागि सम्झेको छ।

पेजमा उनका दुई साथीले लेखेका छन्,‘काग्नी निकै दयालु र उदार थिइन्। उनले आफूसँग एक उज्यालो लिएर आएकी थिइन्।’

द फन्ड्रेसिङ पेजले ‘आफ्नो तमाम प्रभावशाली उपलब्धीहरु र प्रतिभाहरुका बाबजुद जसो–जसो वर्षहरु बित्दै गए, काग्नी मानसिक स्वास्थ्य सम्बन्धी समस्यासँग जुध्दै गइन्’ भनी लेखेको छ।

काग्नीले सन् २००० पछिदेखि नै एडल्ट फिल्म उद्योगमा सक्रियता बढाएकी थिइन्। उनले करियरको सुरुवात एक पोल स्टुडियोबाट गरेकी थिइन्।

फागुन ८, २०८० मंगलबार २१:३२:३५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।