भारतीय अभिनेता ऋतुराज सिंहको हृदयाघातबाट निधन
काठमाडौं : भारतीय टीभी सिरियलका अभिनेता ऋतुराज सिंहको हृदयाघातका कारण निधन भएको छ। उनको सोमबार राति ५९ वर्षको उमेरमा निधन भएको अभिनेता अमित बहलले सिंहले पुष्टि गरेका हुन्।
अभिनेता ऋतुराज सिंहले भारतीय टिभीमा रियालिटी गेम शो ‘तोल मोल के बोल’को होस्ट थिए।
उनको अर्को टिभी शो सन् १९९३ मा प्रशारण भएको ‘बनेगी अपनी बात’ निकै लोकप्रिय थियो। यो टिभी शो जी टीभीमा प्रसारण हुँदै आएको थियो। यसै कार्यक्रममार्फत उनी टिभीका दर्शकमाझ लोकप्रिय बनेका थिए।
उनले टिभी शो बाहेक ‘हिटलर दीदी’, ‘ज्योति’, ‘शपथ’, ‘अदालत’, ‘आहट’, ‘दिया और बाती’, वारियर हाई’, ‘ये रिश्ता क्या कहलाता’जस्ता टीभी सिरियलमा पनि काम गरेका छन्।
फागुन ८, २०८० मंगलबार १६:१५:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
