विश्वकप क्रिकेट लिग-२ मा आज नाबिया र नेदरल्याण्ड्स भिड्दै, क्यानले घटायो टिकट मूल्य

काठमाडौं : आईसीसी विश्वकप क्रिकेट लिग-२ अन्तर्गत आज नामिबिया र नेदरल्याण्ड्स भिड्दैछन्।

खेल विहान सवा ९ बजे कीर्तिपुरस्थित त्रिवि क्रिकेट मैदानमा शुरू हुने नेपाल क्रिकेट संघ क्यानले जनाएको छ।

लिगको पहिलो खेलमा नामिबियाले नेपाललाई ४ विकेटले पराजित गरेको थियो भने दोस्रो खेलमा नेपालसँग नेदरल्याण्ड्स ९ विकेटले पराजित भएको थियो।

नामिबिया आफ्नो पहिलो जितको लयलाई कायम राख्दै दोस्रो जित निकाल्न चाहन्छ। उता नेदरल्याण्ड्स नेपालसँगको हारबाट पाठ सिक्दै नामिबियालाई स्तब्ध पार्न चाहन्छ।

आजको खेलमा नेपाल क्रिकेट संघ (क्यान)ले टिकट मूल्य घटाएको छ। क्यानका अनुसार नेपालको खेल हुँदा दुई सय रुपैयाँ पर्ने टिकट मूल्य आज १ सय रुपैयाँ बनाएको हो। यद्यपि यो मूल्य आइएमई पेबाट काट्दा मात्र कायम रहनेछ।

लिग-२ को पहिलो त्रिकोणात्मक सिरिज गत साताको बिहीबारदेखि काठमाडौंमा शुरु भएको हो।

फागुन ७, २०८० सोमबार ०७:३७:४२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।