नेपाल 'ए' र क्यानडा -११ बीच खेल हुँदै
काठमाडौं : नेपाल क्रिकेट टिम 'ए' ले आज पहिलो एक दिवसीयमा क्यानडा-११ सँग खेल्दैछ।
मुलपानी क्रिकेट मैदानमा हुने खेल नेपाली समय अनुसार बिहान साढे ९ बजेदेखि हुनेछ।
दुई सातापछि यूएईमा आईसीसी विश्वकप लिग–२ त्रिकोणात्मक सिरिज खेल्न जानुअघि क्यानडाले नेपालमा अभ्यास गरेको हो। नेपाल 'ए'को कप्तानी विनोद भण्डारीले गर्नेछन्।
प्रधानमन्त्री कप, यू–१९ विश्वकप र नेपालको सिनियर टोलीमा नपरेका खेलाडीहरू नेपाल 'ए' मा छन्। यो टिममा क्यानडासँग अन्तिम खेलमा डेब्यू गरेका हेमन्त धामी, पहिलो खेलमा डेब्यू पाएका रिजन ढकाल र नेपाली टोलीबाट बाहिरिएका प्रतिश जिसी तीव्र गतिका बलर छन्।
नेपाल 'ए' को प्रशिक्षकमा ज्ञानेन्द्र मल्ल र कलाम अली रहनेछन्।
नेपालले क्यानडा ११ सँग तीन एकदिवसीय खेल्नेछ। दोस्रो खेल मंगलबार र तेस्रो तथा अन्तिम खेल बिहीबार हुनेछ।
फागुन ६, २०८० आइतबार ०९:०२:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
