क्यानले तोक्यो लिग-२ को टिकट मूल्य, क्यानडा सिरिजभन्दा सस्तो
काठमाडौं : नेपाल क्रिकेट संघ (क्यान)ले बिहीबारदेखि सुरु हुने आईसीसी विश्वकप क्रिकेट लिग २ को टिकट बुकिङ खुला गरेको छ।
बुधबार दिउँसो सामाजिक सञ्जालमार्फत क्यानले लिग २ को टिकट बुकिङ खुला गरिएको जनाएको हो।
आइएमई पे बाट काट्न सकिने टिकटमूल्य २ सय रुपैयाँ तोकिएको छ। यसअघि क्यानडा सिरिजको टिकट मूल्य २५० रुपैयाँ तोकिएको थियो।
यद्यपि शनिबार भएको दोस्रो एकदिवसीय खेलको टिकट मूल्य भने घटाएर २ सय रुपैयाँ कायम गरिएको थियो।
लिग २ अन्तर्गत नेपालले पहिलो खेल बिहीबार नामिबियासँग खेल्दैछ। खेल विहान सवा ९ बजे त्रिवि अन्तर्राष्ट्रिय क्रिकेट मैदानमा हुनेछ।
फागुन २, २०८० बुधबार १३:५०:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
