बैशाख २७ देखि ३० सम्म आवास निर्माण नेपाल आयोजनाहुँदै

काठमाडौँ : भृकुटीमण्डपमा वैशाख २७ गते देखि ३० सम्म आवास र निर्माण नेपाल २०२४ को आयोजना हुने भएको छ। हाउस अफ राजकर्णिकारले सो कार्यक्रमको आयोजना गर्न लागेको हो।

बिक्रेताहरूका आवास र निर्माण नेपाल २०२४ बजारमा विश्वास देखाउने र क्रेताहरूमा विश्वास जगाउन कार्यक्रमको आयोजना गर्न लागिएको आयोजकले जानकारी दिएका छन्।

आवास र निर्माण नेपाल २०२४ नेपालमा आवास, निर्माण र पूर्वाधार क्षेत्रको विशाल आकार, वृद्धि र सम्भावनाबाट प्रेरित भएको उल्लेख छ। नेपाल ल्यान्ड हाउजिङ डेभलपर्स एसोसिएसन (एनएलएचडीए)का अनुसार नेपालमा वार्षिक १ लाख ४० हजार घरको माग रहेको छ तर नेपालले वार्षिक करिब २५ हजार घर मात्र निर्माण गर्न सक्ने अवस्थामा छ।

आवास र निर्माण नेपाल २०२४ ले क्रेता-विक्रेता भेटघाट, आवासीय निर्माण क्लिनिक र उद्योग अन्तरक्रिया मञ्चमा "पूर्वाधार टेन्डर बोलपत्रको कला र विज्ञान", "राष्ट्रिय भवन संहिता अनुपालन" र "ग्रिन बिल्डिङ प्रमाणीकरण" जस्ता विषo प्रस्तुत गर्ने कम्पनीले जानकारी दिएको छ।

आवास र निर्माण नेपालले साना व्यवसाय र व्यक्तिगत विक्रेताहरूलाई लक्षित गर्दै १२ हजारमा रियल ई स्टेट मार्ट स्टल उपलब्ध गराउने आयोजकले जारी गरेको विज्ञप्तिमा उल्लेख छ। आवास र निर्माण नेपाल २०२४ ले लगभग १ सय ७५ प्रदर्शकहरू हुने र लगभग २५ हजार आगन्तुकहरू आकर्षित गर्ने अपेक्षा गरिएको विज्ञप्तिमा उल्लेख छ।

फागुन १, २०८० मंगलबार २०:४९:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।