एसीसी प्रिमियर कपमा नेपाल र माल्दिभ्स भिड्दै
काठमाडौं : एसीसी महिला प्रिमियर कपमा आज नेपालले माल्दिभ्ससँग खेल्दैछ।
यो खेल नेपाली समय अनुसार बिहान सवा ११ बजेदेखि मलेसियाको वाईएसडी ओभलमा हुनेछ।
नेपालले यस अघि लगातार दुई खेलमा जित हासिल गरेर प्रतियोगिताको क्वाटरफाइनलमा आफ्नो स्थान सुरक्षित गरिसकेको छ।
माल्दिभ्स भने यसअघिका दुवै खेलमा हार बेहोरेर प्रतियोगिताबाट बाहिरिएको छ।
नेपालले यसअघि हङकङ र भुटानमाथि ८-८ विकेटको जित हासिल गरेको थियो। त्यस्तै माल्दिभ्स भने भुटानसँग ९४ रनले तथा हङकङसँग १७२ रनले हार बेहोरेको थियो।
आजै समूह ‘डी’कै भुटान र हङकङले पनि समूह चरणको अन्तिम खेल खेल्दैछन्। यो खेल पछि क्वाटरफाइनलको समीकरण तय हुनेछ।
फागुन १, २०८० मंगलबार ०७:१०:२६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
