रुख काट्ने हाते आराले छातीमा काटेर एक जनाको मृत्यु
४० हप्ता अघि
काठमाडौं : धादिङमा रुख काट्ने हाते आराले काटेर एक जनाको मृत्यु भएको छ।
जिल्लाको निलकण्ठ नगरपालिका-८ साधुटार दोभानमा सामुदायिक वनको रुख काट्ने क्रममा हाते आराले काटेर एक जनाको मृत्यु भएको हो।
मृत्यु हुनेमा सोही स्थानका ३८ वर्षीय राजकुमार श्रेष्ठ रहेका छन्। आराले उनको बायाँपट्टीको छातीको भागमा काटेको थियो।
आराले छातीको भागमा काट्दा गम्भीर घाइते भएका उनलाई जिल्ला अस्पताल लगिएकोमा उपचारको क्रममा मृत्यु भएको जिल्ला प्रहरी कार्यालय धादिङले जनाएको छ।
माघ २८, २०८० आइतबार ११:०३:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
