सञ्जयलिला भन्सालीसँग फिल्म खेल्दै रामचरण !
काठमाडौँ : साउथ फिल्म इन्डस्ट्रीका सुपरस्टार राम चरणले अब हिन्दी भाषी दर्शकहरूमाझ पनि जादु झर्ने तयारी गरेका छन्। यस अगाडि उनको हिन्दी डब फिल्म हेर्दै आएका हिन्दीभाषीहरुले अब रामचरणले मुम्बइको टिमसँग काम गरेको फिल्म हेर्न पाउने भएका छन्।
भारतीय मिडिया रिपोर्ट अनुसार रामचरण र बलिउडका चर्चित निर्देशक सञ्जयलिला भन्साली मिलेर सँगै काम गर्ने सहमति भइसकेको छ। सार्वजनिक भएको दाबी अनुसार रामचरणले फिल्मको स्क्रिप्ट समेत सुनिसकेका छन्।
सञ्जयलिला भन्सालीले लेखक अमिष त्रिपाठीको पुस्तक ‘द लिजेन्ड अफ सुहेलदेव’ मा आधारित फिल्म बनाउने तयारी गरेका हुन्। यो फिल्ममा रामचरणले सुहेलदेव बर्हाज नामक योद्धाको भूमिका निर्वाह गर्नेछन्। निर्माण पक्षले छिट्टै फिल्मको बारेमा जानकारी दिने बताइएको छ।
माघ २७, २०८० शनिबार २३:४५:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
