नेपालले घरेलु मैदानमा त्रिकोणात्मक टी-२० सिरिज खेल्ने
काठमाडौं : नेपालले त्रिकोणात्मक टी-२० सिरिजको पहिलो खेल नामिबियासँग खेल्ने भएको छ।
खेल कीर्तिपुरस्थित त्रिवि क्रिकेट मैदानमा आगामी फागुन १५ गते हुनेछ।
नेपाल क्रिकेट संघ (क्यान)ले शुक्रबार सिरिजको खेल तालिका सार्वजनिक गरेको हो।
डबल राउण्ड रोबिनका आधारमा हुने सिरिजमा नेपालले दोस्रो खेल फागुन १६ गते नेदरल्याण्ड्ससँग खेल्नेछ।
यसैगरी लिग चरणको तेस्रो खेल फागुन १८ गते नामिबियासँग तथा लिग चरणको अन्तिम खेल फागुन १९ गते नेदरल्याण्ड्ससँग खेल्ने तय भएको क्यानले जनाएको छ।
फागुन २२ गते तालिका शीर्ष दुई टिमबीच फाइनल खेल हुनेछ।
माघ २७, २०८० शनिबार ०७:५१:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
