चलचित्र पत्रकार पाण्डेको ‘माया यस्तै हुँदो रहेछ’ सार्वजनिक
काठमाडौं : गायक तथा चलचित्र पत्रकार कृष्ण पाण्डेले ‘माया यस्तै हुँदो रहेछ’ गीतको भिडियो सार्वजनिक गरेका छन्।
सार्वजनिक गीतमा हस्त गौतमको शब्द मनोज चौलागाईको संगीत तथा एरेन्ज रहेको छ। गायक पाण्डेले उक्त गीतको भिडियो ‘म्युजिक बिट’ नामक च्यानलमार्फत रिलिज गरेका हुन्।
प्रेम वियोगको भावलाई समेटेर गायक पाण्डेले तयार गरेको भिडियोमा गायक स्वयंको अभिनय देख्न सकिन्छ।
प्रेमिकाले धोका दिएर आफ्नो बाटो लागेपछिको सम्झनालाई प्रेमीको बेदना गीतमार्फत पोखिएको छ। गीतको भिडियोलाई आशिष नेपालले खिचेको हुन् भने निर्देशन पनि उनकैले गरेका छन्।
गायक पाण्डेले यसअघि ‘आज सारा बन्धन’, ‘लेकबेँसी’, ‘जुनकिरी’, ‘जे–जे पर्छ पर्छ’ लगायत थुप्रै गीत गाइसकेका छन्।
माघ २६, २०८० शुक्रबार १३:४१:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
