शनिबार हुने क्यानडाविरुद्धको दोस्रो खेलको टिकट मूल्य घट्यो
काठमाडौं : क्यानडाविरुद्धको तीन खेलको एकदिवसीय सिरिज अन्तर्गत शनिबार हुने दोस्रो खेलको टिकट मूल्य घटेको छ।
बिहीबार भएको पहिलो खेलको टिकट २५० रुपैयाँमा बिक्री भइरहेकोमा शनिबारका लागि विशेष अफर भन्दै क्यानले टिकट मूल्य ५० रुपैयाँले घटाएको हो।
अब आइएमई पेबाट दोस्रो खेलको टिकट काट्दा २ सय रुपैयाँ मात्र तिर्नुपर्नेछ। तर, कीर्तिपुरस्थित त्रिवि अन्तर्राष्ट्रिय क्रिकेट मैदानमा गएर टिकट काट्दा तीन सय रुपैयाँ पर्ने क्यानले जनाएको छ।
सोमबार हुने तेस्रो तथा अन्तिम खेलको टिकट मूल्य अनलाइनमा २५० रुपैयाँ नै कायम छ।
आईसीसी विश्वकप लिग-२ को तयारी स्वरुप नेपालले क्यानाडाविरुद्ध तीन खेलको एकदिवसीय सिरिज खेल्दैछ। सोमबार क्यानडासँगको सिरिज सकिनेबित्तिकै नेपालले बिहीबारदेखि लिग २ सिरिज खेल्नेछ।
लिग-२ सिरिज अन्तर्गत नेपालले पहिलो खेल बिहीबार नामिबियाविरुद्ध खेल्दैछ।
माघ २६, २०८० शुक्रबार १२:३६:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
