‘नझुकाउ’ भन्दै आए युवराज चौलागाईं, भिडियोमा कुसुम शर्मा पनि
काठमाडौं : गायक युवराज चौलागाईंले ‘नझुकाउ’ गीतको भिडियो सहित स्रोतामाझ आएका छन्।
बिहीबार उनले यो गीतको भिडियो आफ्नै युटुबमार्फत सार्वजनिक गरेका हुन्।
गीतको भिडियोमा माया र सम्बन्धमा हुने गरेको छल र विश्वास घातको विषयलाई प्रस्तुत गरिएको छ।
दीपिका थापा रिमालको शब्द, श्यामस्वेत रसाइलीको एरेन्ज रहेको यस गीतको भिडियोलाई शान थापाले निर्देशन गरेका छन्।
गीतको भिडियोमा गायक आफैँले अभिनय गरेका छन्। उनलाई अभिनयमा कुसुम शर्माले साथ दिएकी छन्।
भिडियोको कन्सेप्ट राज आचार्यको छ। यसअघि गायक युवराजको ‘लैजा चरि’, ‘तिमीलाई के भनुँ’, ‘डोला डोला हातमा’ लगायत दर्जनौं गीतहरू चर्चामा छन्।
माघ १९, २०८० शुक्रबार १४:१०:१६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
