ट्रकको ठक्करबाट मकवानपुरमा मोटरसाइकल चालकको जनाको मृत्यु
हेटौंडा : मकवानपुरमा ट्रकले मोटरसाइकललाई ठक्कर दिँदा एक जनाको मृत्यु भएको छ।
बिहीबार राति साढे सात बजे मनहरी गाउँपालिका-६ सुनादेवी मन्दिरमा चितवनबाट हेटौंडातर्फ आउँदै गरेको ना ७ ख ७९६ नम्बरको ट्रकले विपरीत दिशाबाट जाँदै गरेको बागमती प्र ०६ ००१ प ४५३७ नम्बरको मोटरसाइकललाई ठक्कर दिँदा एक जनाको मृत्यु भएको हो।
मृत्यु हुनेमा चितवनको माडी नगरपालिका(१२ निवासी २० वर्षीय कोरेस चेपाङ रहेका छन्। दुर्घटनामा घाइते भएका उनको उपचारको क्रममा पुरानो मेडिकल कलेज चितवनमा मृत्यु भएको हो।
प्रहरीले ट्रक नियन्त्रणमा लिएको छ भने फरार रहेका चालकलाई प्रहरीले राति १० बजे नियन्त्रणमा लिएको हो।
माघ १९, २०८० शुक्रबार ०९:५५:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
