३० अंकले घट्यो नेप्से

काठमाडौँ : नेपाल स्टक एक्सचेन्ज (नेप्से) कारोबारको अन्तिम दिन ओरालो लागेको छ।

गत आइतबारदेखि लगातार तीन दिन बढेको बजार बुधबारदेखि ओरालो लागेकोमा बिहीबार पनि बजारले ओरालो यात्रा कायम गरेको छ।

बिहीबार ३० दशमलव ९२ अंकले ओरालो लागेर २ हजार ६७ दशमलव ०१ विन्दु कायम भएको छ। बुधबार नेप्से परिसूचक २१.६७ अंकले घटेर २ हजार ९७ दशमलव ६१ विन्दुमा पुगेको थियो।

त्यस्तै, बिहीबार कारोबार रकम पनि घटेको छ।

बुधबार ५ अर्ब २९ करोड ५६ लाख बढीको कारोबार भएकोमा बिहीबार ४ अर्ब १८ करोड ६३ लाख बढीको कारोबार भएको छ।

बिहीबारको कारोबारमा २४६ वटा कम्पनी आएकोमा २ सय २६ कम्पनीको सेयर मूल्यमा गिरावट आएको छ भने १९ वटा कम्पनीको सेयर मूल्य बढेको छ। एउटा कम्पनीको सेयर मूल्य भने स्थिर रहेको छ।

बिहीबार कारोबारमा आएको कम्पनीहरू मध्ये समाज लघुवित्त वित्तीय संस्थाको सेयर मूल्य बढेको छ। आज उक्त कम्पनीको सेयर मूल्य ६.१० प्रतिशतले बढेको हो।

त्यस्तै, रावा इनर्जी डेभलपमेन्टको ३.८३ प्रतिशत र सनराइज बैंक डिभेन्चर २०८० को ३.५० प्रतिशतले बढेको हो। बिहीबार सामलिङ्ग पावर कम्पनीको सेयर मूल्य ९.४२ प्रतिशतले गिरावट आएको छ। आज उक्त कम्पनीको सेयर मूल्य गिरावट नै सबैभन्दा बढी हो।

मिडसोलु हाइड्रोपावर कम्पनीको सेयर मूल्यमा ६.८८ प्रतिशतको गिरावट आएको हो।

बिहीबारको कारोबारमा सबैभन्दा बढी कारोबार भएको कम्पनीमा हिमालयन रि इन्स्योरेन्स रहेको छ। आज उक्त कम्पनीको ५८ करोड १८ लाख बढीको कारोबार भएको हो।

माघ १८, २०८० बिहीबार १७:२१:५२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।