१८ माघदेखि बिल्डकोन अन्तर्राष्ट्रिय प्रदर्शनी भृकुटीमण्डपमा
काठमाडौं : मिडिया स्पेस सोलुसन्स प्रालि र फ्युचरएक्स ट्रेड फेर एण्ड इभेन्ट्स प्रालिको संयुक्त आयोजनामा नेपाल बिल्डकोन अन्तर्राष्ट्रिय प्रदर्शनी हुने भएको छ।
विगत ८ वर्षदेखि हुँदै आएको प्रदर्शनी माघ १८ गतेदेखि २१ गतेसम्म भृकुटीमण्डपमा हुने भएको हो।
निर्माण व्यवसायसँग सम्बन्धित उत्पादन र यसका प्रविधि बारेमा जानकारी, नेपालमा उत्पादन हुने सामग्री र प्रविधिलाई अन्तर्राष्ट्रिय बजारसम्म पहुँच पुर्याउने उद्देश्यले प्रदर्शनीको नवौं सँस्करण गर्न लागिएको आयोजकले जनाएको छ।
प्रदर्शनीमा विभिन्न देशका ३०० बढी ब्राण्डहरूका १५० भन्दा बढी स्टल रहने छन्।
आयोजकका अनुसार प्रदर्शनीमा निर्माणसम्बन्धी उद्योग, कम्पनी, डिलर, सब-डिलर तथा बिक्रेताहरूले निर्माण व्यवसायसँग सम्बन्धित उत्पादनको बारेमा जानकारी गराइने छ। यस् प्रदर्शनीमा पावर टुल्स्, झ्याल तथा ढोका, निर्माण सामग्री, पाइप, टायल लगायत रहनेछन्।
नेपालका आर्कीटेक्ट, इन्जिनियर, कन्ट्रयाक्टर, विल्डर, इन्टीरीयर डिजाइनर, घर बनाउन चाहने व्यक्ति तथा आम नागरिकको सहभागिता रहने यस प्रदर्शनीमा टाईटल स्पोन्सर कजारिया टायल्स रहेको छ भने सह प्रायोजकमा भोल्गा तथा जिन्दल स्टील रहेका छन्।
४ दिनसम्म रहने प्रदर्शनीमा नि:शुल्क प्रवेशको व्यवस्था गरिएको छ।
माघ १७, २०८० बुधबार १७:५२:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
