प्रधानमन्त्री कप क्रिकेटमा आज दुई खेल हुँदै
काठमाडौं : प्रधानमन्त्री कप एक दिवसीय राष्ट्रिय क्रिकेट प्रतियोगितामा आज दुई खेल हुँदैछन्।
कीर्तिपुरस्थित त्रिवि क्रिकेट मैदानमा एपीएफ क्लब र कर्णाली तथा मुलपानी क्रिकेट मैदानमा नेपाल पुलिस क्लब र लुम्बिनी प्रदेशबीच प्रतिस्पर्धा हुँदैछ।
तालिकामा एपीएफ पाँचौं र कर्णाली सातौं स्थानमा हुँदा पुलिस पहिलो र लुम्बिनी नवौं स्थानमा छ। दुवै खेल नेपाली समयअनुसार विहान सवा ९ बजे सुरु हुनेछन्।
नौ खेलको प्रतिस्पर्धामा पुलिसले आफ्नो आठौं खेल आज खेल्दैछ। अन्य टिमले भने आज आफ्नो अन्तिम खेल खेल्दैछन्।
प्रधानमन्त्री कपको शीर्ष दुई टिमबीच आगामी शनिबार फाइनल हुँदैछ। बिहीबार अर्थात भोलिसम्म लिग चरणका खेलहरू छन्।
अंकतालिकको शीर्ष चारमा रहने टोलीले केही समयपछि हुने इलाइट ट्रफी खेल्नेछ।
माघ १७, २०८० बुधबार ०८:३७:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
