यु-१९ विश्वकप अन्तर्गत आज सुपर सिक्सका तीन खेल हुँदै
काठमाडौं : दक्षिण अफ्रिकामा जारी यु-१९ आईसीसी विश्वकपमा आज सुपर सिक्सका तीन खेल हुँदैछन्।
सुपर सिक्सको समूह १ अन्तर्गत आज भारत र न्यूजिल्याण्ड, आयरल्याण्ड र पाकिस्तान भिड्दा समूह २ अन्तर्गत श्रीलंका र वेस्ट इन्डिज प्रतिस्पर्धा गर्दैछन्।
सबै खेल नेपाली समय अनुसार दिउँसो पौने २ बजे हुनेछन्।
समूह १ को सुपर सिक्समा भारत, न्यूजिल्याण्ड, आयरल्याण्ड, पाकिस्तान, बंगलादेश र नेपाल छन् भने समूह २ तर्फ अस्ट्रेलिया, श्रीलंका, वेस्ट इन्डिज, दक्षिण अफ्रिका, इंग्ल्याण्ड र जिम्बावे छन्।
दुई समूहका शीर्ष दुई टिमले सेमिफाइनल खेल्नेछन्। नेपालले सुपर सिक्सको पहिलो खेल बुधबार बंगलादेशसँग खेल्दैछ।
माघ १६, २०८० मंगलबार ०८:१९:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
