प्रधानमन्त्री कप क्रिकेटमा आज दुई खेल हुँदै
काठमाडौं : प्रधानमन्त्री कप एकदिवसीय क्रिकेटमा सोमबार दुई खेल हुँदैछ।
बिहान सवा ९ बजे त्रिवि क्रिकेट मैदान कीर्तिपुरमा हुने खेलमा सुदूरपश्चिम प्रदेश र त्रिभुवन आर्मी क्लब भिड्दा मूलपानी मैदानमा गण्डकी र नेपाल पुलिस क्लबबीच प्रतिस्पर्धा हुँदैछ।
आइतबार भएका खेलमा मधेश प्रदेशले लुम्बिनी प्रदेश र आर्मीले कर्णाली प्रदेशलाई हराएका थिए।
जारी प्रतियोगितामा सुदूरपश्चिम ६ मध्ये ४ खेलमा जित निकालेर ८ अंकसहित तालिकाको पाँचौ स्थानमा छ। आर्मी ७ खेलबाट ५ मा जित निकालेर १० अंकसहित चौथो स्थानमा छ।
यस्तै गण्डकी प्रदेश आफ्ना सात खेलमध्ये दुईमा जित निकाल्दै ४ अंकसहित आठौँ स्थानमा रहँदा नेपाल पुलिल क्लब ६ खेलमा शतप्रतिशत जितसहित १२ अंक जोडेर तालिकाको शीर्ष स्थानमा छ। v
माघ १५, २०८० सोमबार ०७:५५:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
