क्याप्टेन देवलाई तिलोत्तमा नगरपालिकाले ५० हजारसहित सम्मान गर्ने

बुटवल : दक्षिण अफ्रिकामा जारी अन्डर १९ विश्वकप क्रिकेट प्रतियोगितामा नेपाललाई सुपर सिक्समा प्रवेश गराउन महत्त्वपूर्ण योगदान दिएको भन्दै कप्तान देव खनाललाई तिलोत्तमा नगरपालिकाले ५० हजार नगद सहित सम्मान गर्ने भएको छ।

शुक्रवार भएको नेपाल र अफगानिस्तान बिचको खेलमा  १ विकेटको जित निकाल्दै नेपाललाई सुपर सिक्स प्रवेश गराउन सफल भएको भन्दै कप्तान खनाललाई नगरपालिकाले नगद ५० हजार दिने घोषणा गरेको नगर प्रमुख रामकृष्ण खाँणले बताए।

विश्वकप क्रिकेटमा नेपाली टोलीका कप्तान खनालले नेपालको प्रतिष्ठा माथि उठाउन र टोलीलाई विजयी गराउन महत्त्वपूर्ण भूमिका निर्वाह गरेको भन्दै नगरपालिकाले सम्मान गर्ने निर्णय गरेको बताए।

कप्तान खनालले अफगानिस्तान  विरुद्ध अर्धसतकियपारी सहित ५८ रनको योगदान दिएका थिए ।

रुपन्देहीको तिलोत्तमा नगरपालिका १३ का स्थायी बासिन्दा रहेका कप्तान खनालले सिङ्गो नगरको प्रतिष्ठा बढाएको नगर प्रमुख खाँणले बताए।

माघ १३, २०८० शनिबार १८:१०:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।