हुथी विद्रोहीद्वारा तेल बोकेको अमेरिकी ट्याङ्कर जहाजमा आक्रमण, मिसाइलका कारण आगलागी

एजेन्सी : अडेनको खाडीमा रहेको समुद्री मार्गमा हुथी विद्रोहीले गरेको आक्रमणका कारण एउटा तेल ट्याङ्करमा आगो लागेको छ।

तेल ट्याङ्कर जहाज मर्लिन लुआन्डामा मिसाइल हमला गरेको हुथी विद्रोहीले दाबी गरेका छन्।

मिसाइल आक्रमणमा जहाजको कार्गो ट्याङ्कीमा आगो लागेको अन्तर्राष्ट्रिय सञ्चार माध्यमले जनाएका छन्।

अमेरिकी अधिकारीहरूले सीबीएससँगको कुराकानीमा ट्यांकरलाई एन्टी-शिप ब्यालिस्टिक मिसाइलले आक्रमण गरेको बताएका छन्।

तर, जहाजले पठाएको संकेतपछि सन्देश पठाएपछि त्यहाँबाट प्रतिक्रिया आउन थालेको छ।

लाल सागर वरपर व्यापारी जहाजहरूमा हुथी विद्रोहीहरूले गरेको यो पछिल्लो आक्रमण हो।

इरान र हमास समर्थक हुथी विद्रोहीहरूले केही समयदेखि लाल सागर र आसपासका क्षेत्रहरूमा व्यावसायिक जहाजहरूमा मिसाइलहरू प्रहार गरिरहेका छन्।

यो समुद्री मार्ग युरोप र अमेरिकाको लागि महत्त्वपूर्ण आपूर्ति मार्गको रूपमा प्रयोग गरिन्छ।

अमेरिकाले यी आक्रमणहरूको जवाफमा आक्रमणहरू सुरु गरेको छ र यदि हुथी विद्रोहीहरूले कारबाही बन्द नगरे थप ठूला आक्रमणहरू हुने चेतावनी दिएको छ।

माघ १३, २०८० शनिबार ०९:५२:१८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।