प्रधानमन्त्री कप : कर्णालीका निश्चलको पहिलो अर्धशतक
काठमाडौं : प्रधानमन्त्री कप पुरुष राष्ट्रिय क्रिकेट प्रतियोगिता अन्तर्गत शुक्रबारको खेलमा नेपाल पुलिस क्लबविरुद्ध कर्णालीका निश्चल रावलले अर्धशतक प्रहार गरेका छन्।
टस जितेर पहिला ब्याटिङ रोजेको कर्णालीका रावलले १०५ बलमा ६ चौकासहित ५० रन बनाएका हुन्।
अर्को इनिङबाट विकेट खसिरहँदा ओपनरको रुपमा आएका उनी क्रिजमा डटेर खटिए।
राष्ट्रिय प्रतियोगितामा उनको यो पहिलो अर्धशतक हो। यसअघि उनले गण्डकीविरुद्ध अविजित रहेर सर्वाधिक २९ रनको पारी खेलेका थिए।
४०.२ ओभरको समाप्तीमा कर्णाली प्रदेश ६ विकेटको क्षतिमा १४६ रन बनाएर खेलिरहेको छ।
माघ १२, २०८० शुक्रबार ११:३९:४८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
