व्यक्तिगत कारण देखाउँदै इंग्ल्याण्डविरुद्धको पहिलो दुई टेस्ट खेलबाट बाहिरिए कोहली
एजेन्सी : विराट कोहली इंग्ल्याण्डविरुद्धको पहिलो दुई टेस्ट खेलबाट बाहिरिएका छन्।
व्यक्तिगत कारणले इंग्ल्याण्डसँगको टेस्ट सिरिजको पहिलो दुई खेलबाट बाहिर रहन काेहलीले अनुमति मागेका थिए।
कोहलीले कप्तान रोहित शर्मा, टोली व्यवस्थापन र चयनकर्तासँग कुरा गर्दै व्यक्तिगत जीवनका केही परिस्थितिहरूमा आफू रहन जरुरी भएकाले अनुमति मागेको बीसीसीआईले जारी गरेको विज्ञप्तिमा उल्लेख छ।
कोहलीको निर्णयलाई सम्मान गर्दै बीसीसीआईले उनलाई पहिलो दुई टेस्ट खेलबाट बाहिर राख्न स्वीकृति दिएको छ।
बोर्डले मिडिया र फ्यानहरूलाई विराट कोहलीको गोपनीयताको सम्मान गर्न र कुनै पनि प्रकारको अड्कलबाजी नगर्न आग्रह गरेको छ।
छनोट समितिले छिट्टै विराट कोहलीको स्थानमा टोलीमा समावेश गर्ने खेलाडीको नाम घोषणा गर्नेछ।
माघ ८, २०८० सोमबार २१:५४:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
