जाडो बढेपछि उपमहानगरले दियो बुटवलका विद्यालयमा तीन दिन विदा

बुटवल : जाडो बढ्दै गएपछि बुटवल उपमहानगरपालिकाले तीन दिन विद्यालयहरूमा जाडो विदा दिएको छ।

माघ ७ देखि ९ गतेसम्म ३ दिन विद्यालयहरूमा जाडो विदा दिएको हाे।

उपमहानगरपालिका प्रमुख प्रशासकीय अधिकृत मित्रमणी खनालले एक सूचना जारी गर्दै उपमहानगर भित्रका सबै विद्यालयमा माघ ७ गतेदेखि ९ गतेसम्म विदा दिने बताए।

‘यस उपमहानगरपालिकाको मिति २०८०-१०-०५ को निर्णयानुसार अत्यन्तै जाडो बढेको कारण यस उपमहानगरपालिका अन्तर्गत संचालित सामुदायिक, संस्थागत तथा धार्मिक विद्यालयहरुमा मिति २०८०-१०-०७ गतेदेखि मिति २०८०-१०-०९ गते तिन दिनसम्मको लागि जाडो बिदा (हिउदे विदा) गरिएको व्यहोरा जानकारीको लागि अनुरोध छ,’ सूचनामा भनिएको छ।

पछिल्लो केही दिनयता बुटवल जाडोका कारण बालबालिका तथा वृद्धसहित जनजीवन प्रभावित बनिरहेको छ।

माघ ६, २०८० शनिबार १५:४५:०४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।