यू-१९ विश्वकप सुरू हुँदै, कसरी हेर्ने लाइभ?
काठमाडौं : १९ वर्षमुनिको विश्वकप आजबाट सुरु हुँदैछ। प्रतियोगिता अन्तर्गत पहिलो दिन दुई खेल हुँदैछ।
पहिलो खेल आयरल्याण्ड र संयुक्त राज्य अमेरिकाबीच दिउँसो पौने २ बजे दक्षिण अफ्रिकाको ब्लोइनमफोन्टेनस्थित मङगाउङ ओभलमा हुनेछ।
यी दुई टीमबीच यसअघि एकपटक मात्र प्रतिस्पर्धा भएको थियो, त्यो पनि सन् २०१० जनवरी १९ मा। उक्त खेल आयरल्याण्डले पाँच विकेटले जितेको थियो।
दोस्रो खेल आयोजक दक्षिण अफ्रिका र वेस्ट इन्डिजबीच पौने २ बजे पोट्चेफ्स्ट्रोमको सेन्वेस पार्कमा हुँदैछ। यी दुई टोलीबीच यसअघि भएका पाँच खेलमा वेस्ट इन्डिज हावी भएको छ।
प्रतियोगितामा नेपालसहित १६ टोलीको सहभागी छन्। जसमा नेपाल समूह डीमा परेको छ। नेपालको समूहमा पाकिस्तान, अफगानिस्तान र न्यूजिल्याण्ड छन्।
नेपालले आफ्नो पहिलो खेल आइतबार दिउँसो पौने २ बजे न्यूजिल्याण्डविरुद्ध खेल्दैछ। विश्वकपका सबै खेल icc.tv बाट प्रत्यक्ष हेर्न सकिनेछ।
माघ ५, २०८० शुक्रबार १२:५३:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
