प्रधानमन्त्री कप क्रिकेटमा आज एक खेल मात्र, कीर्तिपुरमा बागमती र कोशी भिड्दै
काठमाडौं : प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा शुक्रबार एक खेल मात्र हुने भएको छ।
आज बागमती र कोशी प्रदेशबीच बिहान सवा ९ बजे कीर्तिपुरस्थित त्रिवि क्रिकेट मैदानमा खेल हुँदैछ।
यसअघि बिहीबार भएको खेलामा मधेशले विभागीय टोली नेपाल एपीएफ क्लबमाथि पाँच विकेटको जित निकालेको थियो।
यस्तै सुदूरपश्चिमले गण्डकी प्रदेशमाथि १०८ रनको फराकिलो जित निकालेको थियो।
अर्को खेलमा कोशी प्रदेशलाई नेपाल आर्मीले ९ विकेटले हराएको थियो।
अंकतालिका हेर्ने हो भने सुदूरपश्चिम प्रदेश तीन खेलमा छ अंकसहित शीर्ष स्थानमा छ।
दुई खेल मात्र खेलेको नेपाल पुलिस क्लब चार अंकसहित दोस्रो स्थानमा हुँदा समान अंक रहेको आर्मी, एपीएफ र बागमती प्रदेश क्रमशः तेस्रो, चौथो र पाँचौं स्थानमा छ।
माघ ५, २०८० शुक्रबार ०७:१३:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
