प्रधानमन्त्री कप क्रिकेटमा आज तीन खेल हुँदै
काठमाडौं : प्रधानमन्त्री कप एकदिवसीय क्रिकेटमा बिहीबार तीन खेल हुँदैछन्।
कीर्तिपुर मैदानमा बिहान सवा ९ बजे एपीएफ र मधेश प्रदेशले खेल्नेछन्।
यही समयमा मूलपानी क्रिकेट मैदानमा कोशी र आर्मीले प्रतिस्पर्धा गर्नेछन्।
यस्तै भैरहवामा बिहान ९ बजे हुने खेलमा सुदूरपश्चिम र गण्डकी भिडनेछन्।
यसअघि हिजो भएको खेलमा बागमती प्रदेश र कर्णाली प्रदेश विजयी भएका थिए।
बागमतीले त्रिभुवन आर्मी क्लबलाई ३ विकेटले हराएको हो। लुम्बिनी प्रदेश कर्णालीसँग ६० रनले पराजित भएको हो।
प्रधानमन्त्री कप पहिलोपटक राउन्ड रोबिनको आधारमा भइरहेको छ। यसअघि समूह चरणमा हुने गरेको थियो।
राउन्ड रोबिनको आधारमा खेल हुँदा खेलाडीहरूले धेरै खेल खेल्ने मौका पाएका छन्।
माघ ४, २०८० बिहीबार ०७:२३:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
