भारतीय टीमकाे अभ्यास सत्रमा देखिए ऋषभ पन्त
एजेन्सी : भारतीय विकेटकिपर ब्याट्सम्यान ऋषभ पन्त भारत र अफगानिस्तानबीचको तेस्रो टी-२० खेलको पूर्वसन्ध्यामा टिमसँग भेट गरेका छन्।
कालो टि-सर्ट र सर्ट लगाएका पन्त पहिलो पटक विराट कोहलीसँगै मैदानमा देखिएका थिए। यसपछि पन्तले रिंकु सिंह र शिवम दुबेलाई पनि भेटे र त्यसपछि उनले रोहित शर्मासँग लामो कुराकानी गरे।
पन्तले मैदानमा ब्याटले केही अभ्यास पनि गरेका थिए तर उनी शतप्रतिशत फिट भने देखिएका थिएनन्।
२६ वर्षीय पन्त हाल बेंगलुरुस्थित बीसीसीआईको राष्ट्रिय क्रिकेट एकेडेमीमा एक वर्षअघि भएको कार दुर्घटनाको उपचारमा छन्।
उक्त दुर्घटनामा उनको दाहिने घुँडाको लिगामेन्टमा गम्भीर चोट लागेको थियो। यसपछि उनको शल्यक्रिया गर्नुपरेको थियो।
पन्त आईपीएल २०२४ मा फर्कने आश गरिए पनि अहिलेसम्म पक्का भने भनइसकेको छैन।
आईपीएलको लिलामी अघि उनी दिल्ली क्यापिटल्सको अभ्यास सत्रमा देखिएका थिए। दुबईमा भएको लिलामीमा पन्त पनि सहभागी भएका थिए।
माघ ३, २०८० बुधबार ०८:०४:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
