प्रधानमन्त्री कपमा आज तीन खेल हुँदै
काठमाडौं : प्रधानमन्त्री कप राष्ट्रिय क्रिकेट प्रतियोगिता अन्तर्गत मंगलबार तीन खेल हुँदैछ।
कोशी प्रदेश र नेपाल पुलिस क्लबबीचको खेल कीर्तिपुरस्थित त्रिभुवन विश्वविद्यालयको क्रिकेट मैदानमा आज विहान सवा ९ बजे सुरू हुनेछ।
सवा ९ बजे नै मूलपानी क्रिकेट मैदानमा सुरू हुने दोस्रो खेलमा बागमती र मधेश प्रदेशबीच खेल हुनेछ।
तेस्रो खेल रूपन्देहीको भैरहवास्थित सिद्धार्थ क्रिकेट रङ्गशालामा कर्णाली प्रदेश र सुदूरपश्चिम प्रदेशबीच आजै बिहान ९ बजे सुरू हुनेछ।
हालसम्मको नतिजाअनुसार एपीएफ क्लब दुई खेलमा चार अंकसहित अंकतालिकाको शीर्ष स्थानमा छ।
यस्तै त्रिभुवन आर्मी क्लब दोस्रो, सुदूरपश्चिम प्रदेश तेस्रो, नेपाल पुलिस क्लब चौथो, कर्णाली प्रदेश पाँचौँ, मधेश प्रदेश छैटौँ र लुम्बिनी प्रदेश सातौँ स्थानमा छन्।
दुई-दुई खेल खेलेका गण्डकी, बागमती र कोशी प्रदेश हालसम्म जितविहीन अवस्थामा छन्।
माघ २, २०८० मंगलबार ०७:२६:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
