प्रधानमन्त्री कपमा आर्मीका कप्तान विनोदको शतक
काठमाडौं : प्रधानमन्त्री कप राष्ट्रिय एकदिवसीय क्रिकेट प्रतियोगिताको सोमबारको खेलमा त्रिभुवन आर्मी क्लबका कप्तान विनोद भण्डारीले शतक प्रहार गरेका छन्।
टस हारेर पहिला ब्याटिङमा तानिएको त्रिभुवन आर्मी क्लबले मधेश प्रदेशविरुद्धको खेलमा शतक बनाएका हुन्।
८९ बलको सामना गरेका भण्डारीले नौ चौका र चार छक्काको मद्दतमा शतक बनाए।
प्रधानमन्त्री कपमा उनको दोस्रो शतक बनाएका छन्। यसअघि सन् २०२१ को प्रधानमन्त्री कपमा उनले शतक बनाएका थिए।
आर्मीका सन्तोष कार्कीले ४२, कुशल मल्ल ३६, इमरान शेखले २६, भीम सार्कीले १८, सन्दीप रजाली शून्य रनमा आउट भए।
अहिले क्रिजमा विवेक यादव र विनोद भण्डारी खेलिरहेका छन्।
मधेशका रञ्जीत कुमारले चार तथा विशाल पटेलले एक विकेट लिए।
४३औं ओभरको खेल चलिरहँदा आर्मी ५ विकेट गुमाएर २३९ रन बनाएर खेलिरहेको छ।
माघ १, २०८० सोमबार १२:११:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
