दीपाश्रीलाई लिएर राप्रपाको कार्यक्रममा पुगे दीपक
काठमाडौँ : कलाकार दीपकराज गिरी राजनीति प्रति अति रुचि राख्छन् भन्ने त उनले सामाजिक सञ्जालहरूमा लेखिरहने धारणाबाटै देखिन्छ। नेताहरूमाथि घोचपेच गरिरहेका हुन्छन् उनी। तर दल विशेषको कार्यक्रमहरूमा भने उनी त्यति देखिँदैनन्।
शुक्रवार भने उनी दीपाश्री निरौलासहित राष्ट्रिय प्रजातन्त्र पार्टीले आयोजना गरेको चियापान कार्यक्रममा देखिए भृकुटीमण्डपमा। पृथ्वी जयन्ती तथा राष्ट्रिय एकता दिवस पारेर राप्रपाले चियापान आयोजना गरेर विभिन्न दलका नेतासहित कलाकारहरूलाई समेत निम्ता गरेको थियो।
कार्यक्रममा अन्य कलाकारहरू त देखिएनन्। तर दीपा र दीपक भने पुगेका थिए। उनीहरू मञ्चमै गएर राप्रपा नेता राजेन्द्र लिङदेनसँग भेट गरेका थिए।
कार्यक्रममा दीपा-दीपक पुगेपछि उनका प्रशंसकहरू उनीहरूसँग फोटो खिच्न झुम्मिएका थिए। मञ्चमै समेत उनीसँग तस्बिर लिन छाडेनन् प्रशंसकहरूले।
अभिनेत्री तथा रेखा थापा राप्रपाकी नेतृ नै हुन्। महामन्त्रीमा पराजित भए पनि उनी पार्टी राजनीतिमा सक्रिय थिइन्। अहिले भने उनी सन्तान जन्माउन अमेरिका पुगेकी छिन्।
पुष २७, २०८० शुक्रबार १८:००:१६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
