नेपाल टेलिकमले विन्टर अफर भोलि देखि, यस्ता छन् अफरहरू

काठमाडौं : नेपाल टेलिकमले भोलि देखि लागु हुने गरी विन्टर अफर २०८० अन्तर्गत विभिन्न आकर्षक प्याकहरू उपलब्ध गराउने भएको छ।

यस अघि उपलब्ध भइरहेको फोरजी डाटा अफरलाई अझै आकर्षक बनाउँदै १ दिनको समयावधिका लागि १९ रूपैयाँमा ४०० एमबी र ३३ रूपैयाँमा १२०० एमबी डाटा उपलब्ध हुनेछ।

त्यस्तै, ७ दिनको समयावधिका लागि लागि १०९ रूपैयाँमा ५ जीबी र २८ दिनको समयावधिका लागि २९८ रूपैयाँमा ७ जीबी डाटा उपलब्ध हुने टेलिकमले जनाएको छ।

टेलिकमले स्टे कनेक्टेड प्याक अन्तर्गत ५ दिनको समयावधिका लागि १०९ रूपैयाँमा ६ जीबी डाटा तथा १३९ रूपैयाँमा ६ जीबी डाटा र १७० मिनेट अन–नेट भ्वाइस उपलब्ध गराएको छ।

त्यसैगरी २ घण्टाको समयावधिका लागि ३५ रूपैयाँमा अनलिमिटेड प्याक उपलब्ध हुनेछ।

यस अघि उपलब्ध अल टाइम भ्वाइस प्याक, अनलिमिटेड प्याक, डाटा प्याक, सोसल मिडिया प्याक, स्टे कनेक्टेड प्याक, एसएमएस प्याक, एमटुएम प्याक लगायतका प्याकहरू समेत उपलब्ध हुने छ। नेपाल टेलिकम एप डाउनलोड गर्दा उपलब्ध हुने १ जीबी डाटा प्याक पनि निरन्तर रुपमा उपलब्ध हुने टेलिकमका प्रवक्ता शोभन अधिकारीले बताए।

पुष २६, २०८० बिहीबार १६:४७:५५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।