टाटा मोटर्सको फन कार्निभल ३.० मेला भोलि देखि, यस्ता छन् गाडी किन्दा पाइने अफरहरू
काठमाडौं : सिप्रदी ट्रेडिङ प्रालिले टाटा मोटर्स फन कार्निभल ३.० कार्यक्रमको आयोजना गर्ने भएको छ।
कार्यक्रममा जुनसुकै ब्रान्डका पुराना गाडीहरूसँग टाटाका अत्याधुनिक प्रविधियुक्त नेक्सन इभी र टियागो इभी लगायतका गाडीहरू साट्न सकिने छ।
मेला पुस २७ गतेदेखि २९ गतेसम्म हुने छ। उपत्यका बाहिर भने टाटा मोटर्सको शोरुम अलास्का मोर्टस बिर्तामोड, सिद्धार्थ कटेज बुटवल, सिप्रदी ट्रेडिङ बुद्ध चोक पोखरा र टाउनहल प्लानिङ वीरगन्जमा गर्न लागिएको आयोजकले जनाएको छ।
फन कार्निभल ३.० मा टाटाका गाडी किन्ने ग्राहकले आकर्षक एक्सचेन्ज बोनस, निःशुल्क रुपमा इभी गाडीहरूका लागि फास्ट चार्जर, १ वर्षको अटोप्लस इन्स्योरेन्स, १ वर्षको सवारी कर, एक्सेसरिज, सरप्राइज गिफ्ट र बम्पर उपहारमा इलेक्ट्रिकल स्कुटर प्राप्त गर्ने छन्।
नेपालका लागि टाटा मोटर्सको एकमात्र आधिकारिक वितरक समेत रहेको सिप्रदी ट्रेडिङले गर्न लागेको यस् कार्यक्रम अन्तर्गत ग्राहकले टाटा मोटर्सको उत्पादनहरू अवलोकन तथा टेष्ट ड्राइभ गर्न सक्ने छन्।
पुष २६, २०८० बिहीबार १६:०२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
