नेपाल लाइफको एमडीआरटी अचिभर्स अवार्डमा ११६ जना अभिकर्ता सम्मानित

काठमाडौं : नेपाल लाइफ इन्स्योरेन्स कम्पनीले एमडीआरटी अचिभर्स अवार्ड २०२४ सम्पन्न गरेको छ।

सोमबार काठमाडौंमा गरिएको सम्मान कार्यक्रममार्फत सन् २०२३ को जनवरी देखि डिसेम्बर अन्तिम सम्ममा ‘एम.डी.आर.टी २०२४’ का लागि योग्य भएका ११६ जना अभिकर्तालाई सम्मानित गरिएको हो।

कम्पनीका वरिष्ठ संचालक कमलेश कुमार अग्रवाल, संचालक विमल प्रसाद ढकाल र कम्पनीका प्रमुख कार्यकारी अधिकृत प्रवीण रमण पराजुली लगायतको उपस्थितिमा मेहनत र परिश्रम गर्ने अभिकर्तालाई सम्मानित गरिएको बताइएको छ।

कार्यक्रममा बोल्दै कम्पनीका वरिष्ठ संचालक कमलेश कुमार अग्रवालले देश आर्थिक मन्दीबाट गुज्रिरहेको समयमा पनि कम्पनीले गरेको व्यवसाय उत्साहप्रद रहेको बताए।

२०२३ मा कम्पनीको सिओटी भएका माधव भण्डारीले नेपाल लाइफको सहयोग, मार्गदर्शन, उत्प्रेरणाले नै गर्दा सिओटी बन्न सफल भएको भन्दै खुसी व्यक्त गरे।

पुष २५, २०८० बुधबार १८:३१:५१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।