ज्यान मार्ने धम्की खेपिरहेका सलमान खानको फार्म हाउसबाट दुई युवा पक्राउ

एजेन्सी : ज्यान मार्ने धम्कीको सामना गरिरहेका अभिनेता सलमान खानको पनवेल फार्महाउसमा बिना अनुमति पस्ने प्रयास गरेको आरोपमा दुई युवा पक्राउ परेका छन्।

नवी मुम्बई पुलिसका एक अधिकारीलाई उद्धृत गर्दै समाचार एजेन्सी पीटीआईले घटनाको पुष्टि गरेको हो। पक्राउ पर्नेमा अजेश कुमार गिला र गुरुसेवक सिंह सिख रहेका छन्।

दुवै जनाविरुद्ध फार्म हाउसको झाडी र बाउन्ड्री पर्खालबाट भित्र पसेको आरोप छ। फार्महाउसका म्यानेजरले दुवैलाई पक्रेर मुम्बई प्रहरीको जिम्मा लगाएका छन्।

उनीहरू दुवैलाई सोधपुछपछि छाडिएको प्रहरीले जनाएको छ। अधिकारीका अनुसार यो घटना जनवरी ४ मा भएको हो।

दुवै पञ्जाबका बासिन्दा हुन् र केही दिनअघि मुम्बई आएर बोरिवलीमा बस्न थालेका थिए।

सलमान खानलाई सन् १९९९ मा राजस्थानको जोधपुरमा कालो हरिण शिकार गरेको आरोप लागेको थियो। जसकारण उनलाई सन् २०२२ मा ग्याङ्स्टर लरेन्स बिश्नोईबाट धम्की आएको थियो।

त्यसपछि मुम्बई पुलिसले उनलाई वाई प्लस श्रेणीको सुरक्षा दिएको थियो भने हतियार राख्ने लाइसेन्स पनि जारी गरेको थियो।

पुष २४, २०८० मंगलबार ०९:०४:३१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।