चितवनमा बसको ठक्करबाट मोटरसाइकल चालकको मृत्यु
चितवन : जिल्लाको राप्ती नगरपालिका-१ महादेवटारमा आइतबार बेलुकी पौने ९ बजे बसको ठक्करबाट मोटरसाइकल चालकको मृत्यु भएको छ।
पूर्व-पश्चिम राजमार्गमा हेटौंडाबाट भण्डारातर्फ आउँदै गरेको ना ३९ प ५०४८ नम्बरको मोटरसाइकललाई विपरीत दिशाबाट जाँदै गरेको बा.प्र. ०३-००१ ख २५३६ नम्बरको बसले ठक्कर दिएको हो।
ठक्करबाट चितवन रत्ननगर नगरपालिका-१ बस्ने ४७ वर्षीय अर्जुन तामाङको टाउको र ढाडमा चोट लागेर अवस्था गम्भीर थियो।
उनलाई उपचारका लागि भरतपुर सरकारी अस्पताल पठाइएकोमा उपचारको क्रममा उनको राति १० बजे मृत्यु भएको प्रहरीले जनाएको छ।
पुष २३, २०८० सोमबार १०:५८:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
