राष्ट्रियसभा निर्वाचनका मतदाताको अन्तिम नामावली प्रकाशित (मतभार तालिकासहित)

काठमाडौं : निर्वाचन आयोगले राष्ट्रियसभा निर्वाचनका लागि अन्तिम मतदाता नामावली प्रकाशित गरेको छ।

आज आयोगले माघ ११ गते हुने निर्वाचनका लागि सात वटै प्रदेशको निर्वाचन अधिकृतको कार्यालयमा अन्तिम मतदाता नामावली प्रकाशन गरेको आयोगका प्रवक्ता शालिग्राम शर्मा पौडेलले बताए।

पुस २० गतेदेखि प्रकाशित मतदाता नामावलीमाथि दाबी विरोध लगायत कार्यको समय सकिएको छ।

पुस २३ गते बिहान १० देखि दिउँसो ३ बजेसम्म उमेदवारको मनोनयन दर्ता गरिनेछ।

पुस २७ गते उमेदवारको अन्तिम नामावली प्रकाशन गरिनेछ। पुस २८ गते बिहान १० देखि दिउँसो १ बजेसम्म उमेदवारलाई निर्वाचन चिह्न प्रदान गरिने निर्वाचन कार्यतालिका छ।

माघ ११ गते बिहान ९ देखि दिउँसो ३ बजेसम्म मतदान गरिनेछ। मतदान सकिएपछि सोही दिन मतगणना गरिने आयोगले जनाएको छ।

माघ ११ गते राष्ट्रियसभामा रिक्त १९ पदका लागि निर्वाचन हुँदै छ।

हेर्नुस् आयोगको सूचना : https://ukeraa.prixacdn.net/media/attachments/2024/01/07/vjwbpf.pdf

पुष २२, २०८० आइतबार १७:१४:४९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।