काठमाडौंमा आज वर्षकै चिसो
काठमाडौं : काठमाडौं उपत्यकामा वर्षकै बढी चिसो भएको छ।
जल तथा मौसम विज्ञान विभागकाे मौसम पूर्वानुमान महाशाखाले आफ्नाे वेबसाइटमा राखेको विवरणअनुसार उपत्यकामा वर्कै चिसो भएको हो।
महाशाखाले शुक्रबार विहान पौने ९ बजे काठमाडौंको तापक्रम ३.५ डिग्री मापन भएको जनाएको हो।
यसअघि काठमाडौंको न्यूनतम तापक्रम ४ डिग्री आसपास थियो। आज काठमाडौंको मौसम सामान्यतया हिजो जस्तै सफा रहनेछ।
आज दिउँसो कोशी, बागमती, गण्डकी र कर्णाली प्रदेशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने महाशाखाले जनाएको छ।
महाशाखाका अनुसार कोशी र गण्डकी प्रदेशको उच्च पहाडी तथा हिमाली भू–भागको एक–दुई स्थानमा हल्का हिमपातको सम्भावना रहेको छ।
रातिदेखी भने तराईका भूभागमा पश्चिमी वायूको प्रभावले बादलको मात्रा बढ्नेछ।
पुष २०, २०८० शुक्रबार ०९:३४:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
