इन्दिरा आईभीएफको नेपाल केन्द्र स्थापना घोषणा, बाँझोपनको समस्या हटाउने उदेश्य

काठमाडौं : भारतमा आईभीएफ अस्पतालहरूको अग्रणी नेटवर्कको रूपमा रहेको इन्दिरा आईभीएफले नेपालका लागि काठमाडौंमा केन्द्र खोल्ने घोषणा गरेको छ।

भारतमा प्रजननसम्बन्धी समस्याका लागि समाधानहरू प्रदान गर्ने संस्थाहरू मध्ये अग्रपंक्तिमा रहेको इन्दिरा आईभीएफ नेपाल प्रवेश गरेको छ।

नेपालमा एउटा केन्द्र स्थापना गरेर यस क्षेत्रका धेरै व्यक्तिहरूलाई सताउने बाँझोपन हटाउने आईभीएफको उद्देश्य छ।

‘हामी नेपालका मानिसहरूले बाँझोपनको सामना गर्दा भोग्ने विशेष कठिनाइहरू बुझ्छौँ। यस क्षेत्रलाई बलियो रूपमा जकडेको बाँझोपनका गम्भीर चुनौतीहरूको सामना गर्न इन्दिरा आईभीएफ दृढ रहेको छ’, आईभीएफले विज्ञप्ति मार्फत भनेको छ।

इन्दिरा आईभीएफ नेपाल केन्द्रकी प्रमुख तथा आईभीएफ विशेषज्ञ डा. नेहा हुमागाईले भनिन्, ‘हाम्रो स्थायी मिसन भनेको बाँझोपनको बारेमा व्याप्त गलत धारणालाई सम्बोधन गर्नु हो। दम्पतीहरूलाई सही जानकारीको साथ सशक्त बनाउनु र विश्व स्तरीय उपचारका सुलभ विकल्पहरूमा पहुँच सुनिश्चित गर्नु हो।’

२ हजार ४ सय भन्दा बढी व्यक्तिहरूको समर्पित टिमको साथ भारतमा १ सय २० भन्दा धेरै केन्द्रहरू सञ्चालन गर्दै आएको इन्दिरा आईभीएफले प्रत्येक वर्ष भारतमा ४० हजार भन्दा बढी प्रभावशाली आईभीएफ प्रक्रियाहरू सञ्चालन गर्छ।

‘हाम्रा सेवाहरू भारतभन्दा बाहिर विस्तार गर्न र उन्नत प्रजनन उपचारको लागि विश्वव्यापी पहलमा योगदान गर्न पाउँदा उत्साहित छौँ। हामी दम्पतीहरूलाई उनीहरूको अभिभावकत्वको सपना साकार पार्न सम्भावित हरेक अवसर प्रदान गर्ने प्रयास गर्छौँ’, इन्दिरा आईभीएफका सीईओ र सह-संस्थापक डा. क्षितिज मुर्दियाले भने।

पुष १७, २०८० मंगलबार १३:५०:५२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।