कविता- म फेरिएको छैन
५१ हप्ता अघि
हिजो जहाँ थिए, त्यहीँ छु, घर फेरिएको छैन
मन भित्रको पुरानै डर फेरिएको छैन
आज पनि त्यही गल्ली र चोकमा धाउने गर्छु
त्यही बजार र त्यही शहर फेरिएको छैन
आवश्यकतामा सीमित रहे, प्रयासहरू अझै पनि
जस्ताको त्यस्तै, पुराना सपना अनि रहर फेरिएको छैन
के छ खबर? नसोध न, जिस्क्याए झैँ लाग्छ मलाई
आजसम्म पनि मेरो खबर फेरिएको छैन !!
पुष १४, २०८० शनिबार १२:३४:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
