नेपाल सुपर लिगको उपाधिका लागि आज धनगढी र ललितपुर भिड्दै
काठमाडौं : दोस्रो संस्करणको नेपाल सुपर लिग (एनएसएल)को उपाधिका लागि आज धनगढी एफसी र ललितपुर सिटी एफसीबीच प्रतिस्पर्धा हुँदैछ।
खेल त्रिपुरेश्वरस्थित दशरथ रंगशालामा साँझ साढे ५ बजे सुरू हुनेछ।
पहिलो क्वालिफायरमा पोखरा थण्डर्सलाई टाईब्रेकरमा ४-३ ले हराउँदै धनगढी फाइनलमा पुग्दा दोस्रो क्वालिफायरमा ललितपुरले पनि पोखरालाई नै २-१ गोलले हराउँदै धनगढीसँगको भेट पक्का गरेको हो।
दुवै टिमका कप्तानले आफूहरूले जित्ने दाबी गर्दै मनोबल बलियो भएको बताएका छन्।
प्रतियोगिताको विजेताले ७० लाख र उपविजेताले २० लाख रूपैयाँ नगद पुरस्कार पाउनेछन्।
पुष १४, २०८० शनिबार ०७:४३:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
