‘हात्तीछाप’को ‘मायालु’ गीतमा रोमान्टिक मुडमा देखिए दयाहाङ र उपसना

काठमाडौं : प्रदर्शन मिति नजिँकिदै गर्दा फिल्म ‘हात्तीछाप’मा समावेश गीत ‘मायालु’ सार्वजनिक भएको छ।

माघ २६ गतेबाट रिलिजमा आउन लागेको फिल्मको गीतलाई ओएसआर युटुब च्यानलमार्फत रिलिज गरिएको हो।

गीतमा हर्क साउदको शब्द, प्रताप दास र ममता गुरुङको स्वर रहेको छ भने संगीत उज्ज्वल सागरको छ। यो गीतको भिडियोमा फिल्मका मुख्य कलाकारद्धय दयाहाङ राई र उपासना सिंह ठकुरीलाई अभिनय गराइएको छ।

दया र उपासना गीतको भिडियोमा रोमान्टिक अवतारमा प्रस्तुत भएका छन्।

भिडियोलाई रामजी लामिछानेले कोरियोग्राफी गरेका छन्।

दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्धि तामाङ, बिजय बराल, कमलमणी नेपाल लगायतका कलाकारको अभिनय रहेको फिल्मलाई सिमोस सुनुवारले निर्देशन गरेका हुन्।

निमेष श्रेष्ठको सम्पादन, प्रदीप भारद्धाजको लेखन रहेको फिल्ममा देव महर्जनको एक्सन, सुशन प्रजापतिको छायांकन छ।

रोहित कट्टेलले नेपालमा यो चलचित्रको वितरण गर्नेछन् भने एमएसएम पोष्ट प्रोडक्शनले ओभरसिजमा चलचित्रको वितरण गर्नेछ। किरण नेपालीको प्रस्तुतीमा तयार भएको यो चलचित्रमा पुष्कर गुरुङ, अमलादेवी राई र जय श्रेष्ठको निर्माताका रूपमा छन्। सरोज नेपाली यस फिल्मका कार्यकारी निर्माता हुन्।

भिडियोको भिडियो लिंक :

https://www.youtube.com/watch?v=8WGHXRUfu08

पुष १३, २०८० शुक्रबार १२:३०:१६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।